محترم او قدر دان داکټر صاحب غروال
خپل سلامونه او نیکی هیلی ستاسی خدمت ته وړاندی کوم
ستاسی او دمحترم اختر یوسفی صاحب د مینی، محبت او نوازش نه ډک پیغام می تر لاسه کړ. داسی انسانی او ملی احساسات لکه ستاسی غوندی ذواتو د ملی شعور او ملی وجدان او شرافت او نجابت ترجمانی کوی.
همدا ملی شعور او وجدان دی چی رشتینی وطن پال او په ملی شعایرو ، او ملی تاریخ او معشری وجدان باندی متعهد او معتقد، متصف وطنوال د ملی تفکر او احساس په رنا کی د عقایدو د وحدت او یو والی په لوری، انډیوالان ګرزوی.
محترم ډاکټر صاحب غروال!
ماته ستاسی نه پخلا کیدونکی ناسیو نالیستی فکر او نظر د خورا قدر وړ بریښی.
خو باید عرض وکړم چی زموږ ټولنه تقریباْ د نیمی پیړی راپدیخوا، د دریمی سقاوی د دوزخ په او ر او لمبو کی سوزی. په بل عبارت موږ هغه کسانو ته ورته یو چی خطرناک او تباه کونکی سیلاب په مخه کړی وی او له مجبوریته هر بوتی ته د نجات دپاره لاس اچوی.
هیله ده چی د شاعر دا لاندی له معنی څخه ډک او ژور فرد، تاسی بزرګوار ته زما د ذهن ترجمانی وکړی:
حوران بهشتی را دوزخ بود اعراف
از دوزخیان پرس که اعراف بهشت است.
آخری عرض دادی چی تر سو (لر او بر افغان) سره یو موټی شوی نه وی تر هغی به زموږ استقلال او ارضی تمامیت نیمګړی وی،
لیا به یو کیږو، لیا به ورکیږو
په مینه او درناوی
